Эндиликда барча мактабгача таълим ташкилотларида болаларни дастлабки таълим-тарбиясини ривожлантириш, жамоада тарбиячилар ўртасида  соғлом рақобатни кучайтириш ва болаларнинг озиқ-овқат маҳсулотларини тақсимлашда виждонан ёндашиш, коррупция ҳолатларига йўл қўймаслик юзасидан қасамёд қилиб, халқни олдида бу борада амалга оширилаётган ишлар бўйича ҳисобот бериб боришлари белгиланди.

Шу муносабат билан, бугун 4-сектор ҳудудига қарашли 16-сон Давлат мактабгача таълим ташкилотида туман 4- сектор раҳбари Ж. Ядгаров, ҳоким ўринбосари  С. Лукмонов, мактабгача таълим бўлими мудири Б.Асророва  ва масъул ходимлари, ота-оналар иштирокида Мактабгача таьлим ташкилотлари раҳбарининг ҳисоботи тингланди. Юқоридаги вазифалар юзасидан сектор раҳбари ва ҳоким ўринбосарининг таклиф ва тавсиялари тингланди, ҳамда келгусидаги режалар белгиланди. Шунингдек, тадбирда ота-оналар ўзларини ўйлантирган масалалар билан масъулларга мурожаат қилишди.