Ҳар йили  анъанага айланган мактабгача таълим ташкилотлари тарбиячилари ўртасида  бўлиб ўтадиган “Йилнинг энг яхши тарбиячиси”  касбий кўрик-танлови  жорий йилнинг  1-июль куни Оқдарё туман  мактабгача таълим  бўлими тасарруфидаги  3-сектор    ҳудудида  жойлашган    1, 3, 11, 14, 21, 27, 30, 34-сонли мактабгача таълим ташкилотлари тарбиячилари ўртасида  бўлиб ўтди. 

Кўрик-танловда  мактабгача таълим  жараёнидаги  ўқитиш методикаси,  тизимга оид янгиликлар, яратилган ижодий ишлар, кўргазмали ва  дидактик  материалларни  таълим-тарбия  жараёнига татбиқ этилиши бўйича  тарбиячилар  педагогик маҳорати ва ижодий қобилиятларини  намоён қилишиб, ҳакамлар ҳайъати томонидан  5 та  шарт бўйича  5 баллик  тизимда баҳоланди.  Танловда барча шартлар бўйича  юқори кўрсаткични эгаллаган  30-сонли мактабгача таълим ташкилоти тарбиячиси  Бахромова Шохиста  фахрли  1-ўринни олиб, танловнинг мутлоқ ғолиби деб топилди.  Барча  иштирокчилар   мактабгача таълим бўлимининг  фахрий  ёрлиқлари   билан тақдирланишди.