Oqdaryo  Pedagogika  kollejida tuman  maktabgacha  ta'lim  bo‘limi mudiri B.Asrorova tomonidan, maktabgacha ta'lim tashkilotlari faoliyati, bolalarga berilayotgan ta'lim-tarbiya sifati, bolalarni dastlabki ta'lim-tarbiyasini rivojlantirish, jamoada tarbiyachilar o‘rtasida  sog‘lom raqobatni kuchaytirish hamda amalga oshirilgan ishlar yuzasidan hisobot yig‘ilishi  bo‘lib o‘tdi

Yig‘ilishda  ta'lim -tarbiya samaradorligini oshirish, noan'anaviy mashg‘ulotlarni tashkil etish,  faollik  markazlarini  jihozlanishi, tarbiyachilar faoliyati, yo‘l qo‘yilgan kamchiliklarni  bartaraf  etish  yo‘llari, ta'lim –tarbiya sifatini ko‘tarish, bolalar bilan ishlash, tarbiyachining muomala madaniyati, mashg‘ulotlarda ilg‘or pedagogik texnologiyalarni qo‘llash  metod va usullari  to‘g‘risida bo‘lim  mudiri  B.Asrorova o‘z fikrlarini  bildirdi.    

        Yig‘ilish yakunida bo‘lim mudiri tomonidan yuzaga kelgan muammolar,  ularni  hal etish choralari  yuzasidan tashkilot rahbarlariga  vazifalar taqsimlab  berildi  hamda   kelgusidagi  rejalar  belgilab  olindi.