Maxsus imkoniyatlar
Samarqand viloyati Oqdaryo tumani
Maktabgacha ta'lim bo‘limi

TUMANIMIZDA OILAVIY NODAVLAT MAKTABGACHA TA'LIM TASHKILOTLARI SONI YANA BITTAGA KO‘PAYDI

Maktabgacha ta'lim tashkilotlari tarmog‘ini kengaytirish, bolalarning maktabgacha ta'lim bilan qamrab olinishi uchun zarur shart-sharoitlar yaratish, maktabgacha ta'lim tizimining moddiy-texnik bazasini mustahkamlash, aholiga maktabgacha ta'lim xizmatlari ko‘rsatish sifatini yaxshilash hamda sohada nodavlat sektorning ulushini oshirish maqsadida joriy yilning 8-iyul kuni Oqdaryo  tumani  Yangiqishloq MFY  Mavlum qishlog‘ida  tadbirkor Qo‘chqorova  Zarnigor tashabbusi bilan oilaviy nodavlat  maktabgacha  ta'lim  tashkilotining ochilish tadbiri bo‘lib o‘tdi.

Tadbirda maktabgacha ta'lim bo‘limi mudiri B.Asrorova, tuman maktabgacha ta'lim bo‘limi xodimlari,  mahalla faollari va ota-onalar ishtirok eishdi.

Tadbirni Maktabgacha ta'lim bo‘limi mudiri B.Asrorova ochib berib, mahalla ahlini va maktabgacha ta'lim tizimi xodimlarini yangi oilaviy nodavlat  maktabgacha  ta'lim tashkilotini  foydalanishga topshirilganligi bilan tabrikladi.

  Tashkil etilgan  ushbu oilaviy nodavlat maktabgacha ta'lim tashkilotiga   hududdagi  qamrab olinmagan  25 nafar bolajonlar qabul qilindi va 2 nafar ishsiz xotin-qizlar ish bilan ta'minlandi.


Kiritilgan vaqti: 09/07/2021 07:59;   Ko‘rilganligi: 320
 
Material manzili: https://oqdaryomtb.uz/press/news/tumanimizda-oilaviy-nodavlat-maktabgacha-talim-tashkilotlari-soni-yana-bittaga-kopaydi
Chop etilgan vaqti: 26/09/2022 22:07